|
|
|||||||||
ՀԱՂՈՐԴԱԳՐՈՒԹՅՈՒՆՆԵՐՀԱՂՈՐԴԱԳՐՈՒԹՅՈՒՆ ՄԱՄՈՒԼԻ ՀԱՄԱՐԸՆՏՐԱԿԱՆ ՕՐԵՆՍԳՐՔԻ ՓՈՓՈԽՈՒԹՅՈՒՆՆԵՐԻ ՄԱՍԻՆՀՀ առաջին նախագահ Լեւոն Տեր-Պետրոսյանը նոյեմբերի 16-ին Երեւանի Ազատության հրապարակում տեղի ունեցած հանրահավաքում հայտարարել էր« որ պատրաստվում է հանրահավաքի մասնակիցների անունից Հայաստանի Հանրապետության Ընտրական օրենսգրքում փոփոխություններ անելու առաջարկով հանդես գալ։ Ասվել էր նաեւ, որ այդ առաջարկությունները ներկայացվելու են մի շարք միջազգային դիտորդական կազմակերպությունների, որպեսզի նրանք հորդորեն կամ պարտադրեն Հայաստանի Հանրապետության Ազգային ժողովին՝ կարճ ժամկետներում ՀՀ Ընտրական օրենսգրքում կատարել այդ փոփոխությունները։ Լեւոն Տեր-Պետրոսյանը հանրահավաքում հայտարարել էր նաեւ, որ եթե ուրիշ քաղաքական ուժեր, կամ նախագահի պոտենցիալ թեկնածուները միանան այս առաջարկին, ինքը պատրաստ է հանդես գալ համատեղ առաջարկով։ Լեւոն Տեր-Պետրոսյանին ՀՀ նախագահի թեկնածու առաջադրելու քաղաքացիական նախաձեռնությունների գրասենյակի ներկայացուցիչները նաեւ ԱԺՄ նախագահ Վազգեն Մանուկյանի, «Ազգային միաբանություն» կուսակցության նախագահ Արտաշես Գեղամյանի, ՕԵԿ նախագահ Արթուր Բաղդասարյանի, ՀՅ Դաշնակցության ներկայացուցչի հետ են քննարկել («Ժառանգություն» կուսակցության ղեկավար Րաֆֆի Հովհաննիսյանը եւ «Նոր ժամանակներ» կուսակցության ղեկավար Արամ Կարապետյանը այդ պահին Հայաստանում չեն եղել) վերը նշված առաջարկությանը նրանց միանալու հարցը։ Նշված գործիչներն ու քաղաքական կուսակցությունները, սակայն, ձեռնպահ են մնացել միանալ այդ առաջարկին։ Առաջարկությունների փաթեթը դիտորդական կազմակերպություններին է ներկայացվել ՀՀ առաջին նախագահ, ՀՀ նախագահի թեկնածու Լեւոն Տեր-Պետրոսյանի, ՀԺԿ նախագահ Ստեփան Դեմիրճյանի, «Հանրապետություն» կուսակցության քաղաքական խորհրդի նախագահ, 1999-2000թթ. ՀՀ վարչապետ Արամ Զավենի Սարգսյանի, 1991-1998թթ. ԱԺ նախագահ Բաբկեն Արարքցյանի, «Ազատություն» կուսակցության նախագահ, 1993-1996թթ. ՀՀ վարչապետ Հրանտ Բագրատյանի, Լեւոն Տեր-Պետրոսյանի առաջադրման քաղաքացիական նախաձեռնության գրասենյակի տնօրեն, 1996-1998թթ. ՀՀ ԱԳ նախարար Ալեքսանդր Արզումանյանի ստորագրությամբ։ Ստորեւ ներկայացնում են միջազգային ատյաններին ուղարկված նամակը։ 19 նոյեմբեր, 2007թ. Եւրոխորհրդի գլխավոր քարտուղար Եւրոխորհրդի խորհրդարանական վեհաժողովի ԵԱՀԿ-ի «Ժողովրդավարական հաստատությունների եւ մարդու իրավունքների գրասենյակի» տնօրեն Թանկագին պարոնայք, Թեեւ 2007 թականի մայիսին Հայաստանում կայացած խորհրդարանական ընտրությունները բարձր գնահատվեցին միջազգային հանրության կողմից, բայց դրանք, թերեւս, մեր երկրի պատմության ամենախայտառակ ընտրություններն էին, քանի որ ընտրակեղծիքները քողարկված էին այնպիսի ճարտարությամբ, որ ոչ մի դիտորդ չէր կարող նկատել դրանք։ Ընտրությունների ընթացքում իշխանությունների կողմից կիրառվել են, մասնավորապես, հետեւյալ երկու հնարքները. - Տպագրվել է շուրջ կես միլիոն հավելյալ քվեաթերթիկ, որոնք բաժանվել են մունիցիպալիտետների աշխատակիցներին, հավատարիմ գործարարներին, թաղային հեղինակություններին եւ նույնիսկ քրեական տարրերին։ Ընտրությունների օրը վերջիններս ավտոբուսներով քաղաքացիներին բերել են ընտրատեղամաս, ավտոբուսում բաժանել արդեն քվեարկած թերթիկները, եւ ձեւական քվեարկությունից ու տեղամասում տրված դատարկ քվեաթերթիկները ստանալուց հետո միայն վճարել նրանց։ - Տասնյակ հազարավոր մարդկանց իշխանությունները տրամադրել են կեղծ անձնագրեր կամ համապատասխան կնիքներով վավերացված գրանցման տեղեկանքներ, որոնց շնորհիվ նրանք հնարավորություն են ստացել մի քանի անգամ քվեարկել տարբեր տեղամասերում։ Դիտորդների եւ թեկնածուների վստահված անձանց համար անտեսանելի այս տիպի կեղծիքները կանխելու նպատակով, կարծում ենք, անհրաժեշտ է, որ դուք հորդորեք կամ պարտադրեք Հայաստանի Հանրապետության Ազգային ժողովին ՝ կարճ ժամկետներում մեր երկրի Ընտրական օրենսգրքում կատարել երկու փոփոխություն. a. Առաջիկա նախագահական եւ ապագա բոլոր ընտրությունների քվեաթերթիկները, միջազգային կազմակերպությունների վերահսկողությամբ, տպագրել արտասահմանում՝ բացառելու համար հավելյալ քվեաթերթիկների տպագրումը; b. Քվեարկության ընթացքում կիրառել շատ երկրներում ընդունված՝ ցուցամատի թանաքոտման կարգը, ինչը միակ միջոցն է միեւնույն ընտրողի կողմից կրկնակի կամ բազմակի քվեարկություն թույլ չտալու. (ի դեպ՝ այս առաջարկներն անգամ օրենքի փոփոխություն չեն պահանջում, քանի որ լինելով զուտ արարողակարգային միջոցառումներ, մտնում են Կենտրոնական ընտրական հանձնաժողովի իրավունքների մեջ)։ Նպատակահարմար ենք գտնում նաեւ, որ դիտորդական կազմակերպությունները ընտրությունների որակն ու արդյունքները գնահատեն ոչ թե քվեարկությանը նախորդող մեկ շաբաթվա եւ քվեարկության օրվա դիտարկման հիման վրա, այլ ընտրական գործընթացի շուրջ եռամսյա կտրվածքով՝ արձանագրելով եւ դատապարտելով այդ ընթացքում նկատված բոլոր ընտրախախտումները։ Այս ամենը չանելու դեպքում միջազգային դիտորդական կազմակերպությունների առաքելությունը Հայաստանում անիմաստ է դառնում, եւ նույնիսկ ավելին՝ դա նպաստում է աղաղակող կեղծիքներով ու խախտումներով անցկացված ընտրությունների լեգիտիմացմանը։ 2007 թվականի նոյեմբերի 16-ին կայացած հանրահավաքի անունից՝ Խորին հարգանքով՝ Հայաստանի Հանրապետության նախագահի Հայաստանի ժողովրդական «Հանրապետություն» կուսակցության նախագահ, Ազգային ժողովի նախկին «Ազատություն» կուսակցության նախագահ, Լեւոն Տեր-Պետրոսյանի առաջադրման քաղաքացիական |
|||||||||
|
|||
